Baş Prokurorluq mülki vətəndaşları işğaldan azad edilən ərazilərə getməməyə çağırdı - VİDEO

Baş Prokurorluq mülki vətəndaşları işğaldan azad edilən ərazilərə getməməyə çağırdı - VİDEO
HADİSƏ

5-02-2021, 12:17

Mətn ölçüsü

Baş Prokurorluq mülki vətəndaşları işğaldan azad edilən ərazilərə getməməklə bağlı xəbərdarlıq edib.

News24.az-ın məlumatına görə,xəbərdarlıqda deyilir:

Dəfələrlə xəbərdarlıq edilməsinə baxmayaraq, icazəsiz səyahətlər mülki şəxslərin minaya düşərək həlak olmaları və ya ağır dərəcəli bədən xəsarətləri almaları ilə nəticələnir. 

İnsanların polis postlarından yayınaraq və ara yollardan istifadə etməklə işğaldan azad edilən ərazilərə daxil olması nəticəsində mina və partlamamış hərbi sursat təhlükəsinə məruz qalması riski çox yüksəkdir.

İşğaldan azad olunmuş ərazilərin minalardan təmizlənməsi işi başa çatanadək icazəsiz və ya qanunsuz səfər insanların  həyatı üçün təhlükəli ola bilər. 

Baş Prokurorluğun Mətbuat xidməti tərəfindən qeyd olunan məsələnin həssaslığı və əhəmiyyəti nəzərə alınaraq növbəti dəfə maarifləndirici videoçarx hazırlanmışdır. 

Videoçarxı Baş Prokurorluğun sosial şəbəkə səhifələrindən izləyə bilərsiniz.

YouTube