Bəşər Əsəd yenidən prezidentliyə NAMİZƏDDİR

Suriya Ərəb Respublikasının rəhbəri Bəşər Əsəd prezident seçkilərinə namizədliyini rəsmən elan edib.

News24.az xəbər verir ki, bu barədə "Associated Press" Suriya Parlamentinin sədri Hammuda Sabağa istinadən məlumat yayıb. 

Suriyada prezident seçkiləri 26 may tarixinə təyin edilib. Eyni zamanda da xaricdə olan Suriya vətəndaşları mayın 20-də yaşadıqları ölkədəki seçki məntəqələrində səs verə biləcəklər.

Qeyd edək ki, Suriyada bu günə qədər 4 nəfər dövlət başçısı vəzifəsinə namizədliyini irəli sürüb.