Gənclər və İdman Nazirliyinin mətbuat katibi İSTEFA VERDİ

Gənclər və İdman Nazirliyinin mətbuat katibi Səmayə Məmmədova tutduğu vəzifəsindən ayrılıb. 

News24.az xəbər verir ki, bu barədə S.Məmmədova özü məlumat verib. O bildirib ki,  21 may 2021-ci il tarixdə öz istəyi ilə 14 il ərzində mətbuat katibi olaraq fəaliyyət göstərdiyi Gənclər və İdman Nazirliyindən  ayrılırıb:  "Rəsmi iş məzuniyyətim bitdikdən sonra nazirliyə qayıtmayacağam. Bu 14 il ərzində nazirlik mənim üçün böyük məktəb, ikinci ev, nazirliyin kollektivi isə doğma ailəm oldu. Bir ömür boyu ürəyimdə yaşayacaq  nazirim Azad Rəhimov mənim  mənəvi atam, dostum, qardaşım, böyük məktəbim,  həyatım boyu  haqqında qürurla danışacağım doğmam oldu. 
Bundan sonrakı dönəmdə də hər kəsə böyük uğurlar, can sağlığı arzu edir, bir daha nazirliyin fəaliyyətində göstərdiyiniz dəstək və dostluğunuz üçün təşəkkürümü bildirirəm!"