Məşhur aktrisanın ayağı qırıldı

Türkiyənin tanınmış aktrisası Hülya Koçyiğit xoşagəlməz olay yaşayıb.

Mədəniyyət Sənət Siyasətləri heyətində vəzifələndirilən aktrisa ötən gün assambleyanın Sultanəhməddə keçirilən iclasına yetişmək üçün tələsərkən ayağını burxub və yıxılıb.

Yıxılmasına baxmayaraq, Koçyiğit iclasa gedərək, iştirak edib. İclasdaykən bir müddət sonra aktrisanın ayağı şişməyə başlayıb. Aktrisaya yerindəcə ilkin müdaxilə göstərilib. Sonra isə xəstəxanaya aparılıb. Müayinə zamanı onun ayağının topuq hissədən qırıldığı aşkarlanıb. Buna görə də ayağına gips qoyulub. 
Sənətkarın ayağı 3 həftə gipsdə qalacaq.

News24.az