Mübariz Mənsimov: "Bədbəxtlər, sizə yazığım gəlir"
    • 16-11-2018, 18:50
    • 749

Mübariz Mənsimov: "Bədbəxtlər, sizə yazığım gəlir"

Bəzi mətbuat orqanlarında "Palmali" şirkətlər qrupunun Rusiya Nümayəndəliyinin müflis olmasına dair informasiya dərc edilib.

Mübariz Mənsimov yayılan məlumatlara belə aydınlıq gətirib:
 
"Türkiyədən kənarda bəzi dövlət məmurları və iş adamları, təəssüf ki, onların arasında həmyerlilərimiz də var, əlbir olub mənə qarşı kampaniya aparırlar. Öz düşüncələrinə görə, mənə zərbə vururlar. Onlara baxdıqca, yazığım gəlir... Bədbəxtlər, istəyiniz qursağınızda qalacaq. Mənim sizinlə mübarizə aparmaq üçün hər zaman yetərli gücüm olub və olacaq da. Mənim arxamda şirkətim, heyətim və məni sevənlərin xeyir-duası var. Onların duaları mənə yetər! Bizim haqqımızda nələr yazıb-pozmurlar ki. Mən oxumaqdan yoruldum, siz bədbəxtlər yazdırmaqdan yorulmadınız... Gülüb, keçirəm". 
Daha sonra iş adamı haqqında yazanlara məsləhət də görüb: "Çox özünüzü gücə salmayın. Allah sizdən razı olsun ki, bu qədər məndən yazırsız və piarıımı aparırsınız. Ermənilərdən törəmə və ermənipərəst bəzi rus rüşvətxor məmurlarının mənimlə olan dərdini anlayıram. Bəs Azərbaycandan olan bəzilərinin mənimlə dərdi nədir? Səviyyəsizliyiniz sadəcə insanları güldürür. Amma sizə təşəkkür borcum da var. Mən Mübarizəm! Mübarizə aparmağı çox sevirəm!” 

//Azxeber.com