Yeni magistratura layihəsinə start verildi

"Hazırda 11 dövlət ali təhsil müəssisəsində ümumilikdə 2445 SABAH tələbəsi təhsil alır". 

News24.az-ın məlumatına görə, bunu "Media və təhsil dialoqu" mövzusunda baş tutan təlimdə Elm, ali və orta ixtisas təhsili şöbəsinin müdiri Nicat Məmmədli deyib.

Şöbə müdiri bildirib ki, bu ildən etibarən SABAH magistraturası layihəsinə start verilib: "Cari ildə bu layihələr çərçivəsində kadr hazırlığını həyata keçirmək üçün  ümumilikdə 540 dövlət sifarişli yer ayrılıb".