Media və Baş Prokurorluq bir araya gəldi - VİDEO/FOTO

Media və Baş Prokurorluq bir araya gəldi - VİDEO/FOTO
SOSİAL / Video / Foto

13-10-2021, 19:03

Mətn ölçüsü

13 oktyabr 2021-ci il tarixində Azərbaycan Respublikasının Baş Prokurorluğu və Medianın İnkişafı Agentliyinin birgə təşkilatçılığı ilə "Media və Hüquqi Maarifləndirmə" mövzusunda tədbir keçirilib.

News24.az-ın məlumatına görə, tədbirdə çıxış edən Baş Prokurorun müavini Heydər Məmmədov və Medianın İnkişafı Agentliyinin İcraçı direktoru Əhməd İsmayılov mediada yayımlanan informasiyaya dair tələblər, cinayət və ya ictimai maraq kəsb edən hadisələr baş verdikdə jurnalistlərin və media nümayəndələrinin hadisə yerində diqqət yetirməli məqamlar barədə fikirlərini bölüşüb. 

Həmçinin çıxışçılar kommunikasiyanın səmərəli təşkili və informasiyanın obyektiv və qərəzsiz çatdırılmasının təmin olunması baxımından belə görüşlərin mütəmadiliyinin əhəmiyyətini vurğulayıb.

Baş Prokurorluğun Mətbuat xidmətinin rəhbəri Günay Səlimzadə "Prokurorluq orqanları ilə kütləvi informasiya vasitələri arasında mövcud münasibətlər və perspektivlər" mövzusunda çıxış edib.

Tədbir çərçivəsində Baş Prokurorluğun Mətbuat xidmətinin böyük prokuroru Kənan Zeynalov tərəfindən "Media və Hüquqi Maarifləndirmə" vəsaitinin təqdimatı olub.

Sonra Medianın inkişafı Agentliyinin Hüquq və insan resurslarının idarə edilməsi departamentinin direktoru Rəqsanə Kərimova "İstintaq prosesinin mediada obyektiv işıqlandırılması və balanslı təqdimatı" mövzusunda çıxış edib.

Tadbir geniş müzakirələrlə davam edib, Prokurorluq orqanları ilə media arasında operativ və səmərəli əməkdaşlığın qurulması, bu məsələdə Medianın İnkişafı Agentliyinin dəstəyi ilə bağlı təkliflər dinlənilib.

Sonda tədbir iştirakçıları ilə xatirə şəkili çəkilib.

MÜXBİR: Məhərrəm Əliyev
FOTO/VİDEO: Nicat Niftəliyev

YouTube