"Kişi müəllimlər üçün hər hansı güzəştlərin olması GÖZLƏNİLMİR" - TN

"Bu il məzmunla bağlı Təhsil İnstitutu tərəfindən çərçivə sənədi elan ediləcək. Müsabiqə şərtlərinə görə hansısa kateqoriya üzrə namizədlərə üstünlük verilməsi ədalətli deyil".

News24.az xəbər verir ki, bunu Təhsil Nazirliyinin İnsan resursları şöbəsinin müdiri Eşqi Bağırov müəllimlərin işə qəbulu və yerdəyişməsi qaydalarında tətbiq edilən yeniliklərlə bağlı danışarkən deyib.

Şöbə müdirinin sözlərinə görə, kişi müəllimləri üçün hər hansı güzəştlərin olması gözlənilmir: "Kişi namizədlərin sayında artım müşahidə olunur. Bu artım kənd məktəblərinidə özünü büruzə verir".