MİQ qaydalarında YENİLİK

Son illər müsabiqəyə müraciət edən namizədlərin sayı artıb. Əvvəlki vaxtlarda müəllimlik üçün namizədlərin sayı 10 min idisə, 2021-ci ildə 62 min nəfər elektron qaydada qeydiyyatdan keçib.
 
News24.az xəbər verir ki, bunu "Müəllimlərin işə qəbulu və yerdəyişməsi qaydalarında yeniliklər" mövzusunda keçirilən onlayn brifinqdə Təhsil Nazirliyinin İnsan resursları şöbəsinin müdiri Eşqi Bağırov bildirib.

Şöbə müdirinin sözlərinə görə, müsabiqənin keçirildiyi 10 il ərzində tətbiq edilən qaydalarda çox ciddi dəyişikliklər olub. Həm beynəlxalq təcrübə, həm müraciətlər, rəylər, təhsil müəssisələrindən gələn rəylər nəzərə alınır və hər il müvafiq qaydada təkmil dəyişikliklər aparılır. Bu il də hansısa təkmilləşmələr aparılıb və qüvvəyə minib. Dəyişiklik iki hissə üzrədir - həm müəllimlərin işə qəbulu və iş yerinin dəyişfirilməsidir. İşə qəbul müsabiqəsində imtahandas test imtahan mərhələsi cavablandırma səviyyəsi, ayrılan vaxt təhlil edilərək 90 dəqiqə ərzində sualların cavablandırılması üçün kifayət etmir. Bununla əlaqədar 120 dəqiqəyə qədər artırılması barədə qərar qəbul edilib. Test imtahanına 60 sual təqdim olunacaq, amma bunun cavablandırılmasına görə qiymət fərqli olacaq, 100 bal toplaya biləcəklər. 40 ixtisas sualı olacaq, hər düzgün cavab 2 bal veriləcək, 20 metodika sualı olacaq ki, bu zamanda düzgün cavablandırlmaya görə 1 bal tətbiq ediləcək. Səhv cavablandırılmış 4 testin cavabına görə 1 düzgün cavab silinəcək.