FHN silsilə maarifləndirmə tədbirləri keçirldi

Fövqəladə Hallar Nazirliyinin aidiyyəti qurumları tərəfindən fövqəladə hallarla bağlı davranış qaydaları barədə əhalinin maarifləndirilməsi məqsədilə silsilə tədbirlər keçirilib.

News24.az nazirliyə istinadən xəbər verir ki, FHN-in Dövlət Yanğın Nəzarəti Xidmətinin mütəxəssislərinin də iştirakı ilə Cənub Regional Mərkəzi tərəfindən Masallı rayonu, N. Gəncəvi adına Boradigah qəsəbə 1 saylı tam orta məktəbində, Gəncə Regional Mərkəzi tərəfindən Göygöl rayonu Kərəmli kənd tam orta məktəbində, Sumqayıt Regional Mərkəzi tərəfindən Abşeron rayonu Goradil kənd tam orta məktəbində, Qarabağ Regional Mərkəzi tərəfindən şəhid Firudin Mehdiyev adına Füzuli rayonu Horadiz şəhər 2 saylı tam orta məktəbində, Şimal Regional Mərkəzi tərəfindən Xaçmaz rayonunun Palçıqoba kənd tam orta məktəbində maarifləndirmə tədbirləri keçirilib.

Tədbirlərin keçirilməsində məqsəd baş verə biləcək təbii və texnogen xarakterli fövqəladə hadisələrlə bağlı zəruri davranış qaydaları barədə vətəndaşlara müvafiq biliklərin verilməsi olub.

Tədbirlərdə fövqəladə halların təsnifatı, yanğınlar, zəlzələ, torpaq sürüşməsi, sel və daşqınlar və ölkəmiz üçün xarakterik olan digər fövqəladə hadisələrlə bağlı geniş məlumat verilib, bu hadisələr zamanı zəruri təhlükəsizlik tədbirləri barədə ətraflı danışılıb.

Bundan əlavə, FHN-in “112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.

Qeyd edək ki, slaydların müşayiəti ilə edilən təqdimatlar zamanı zulara dair videoçarxlar da nümayiş olunub.
İnteraktiv formada keçirilən tədbirlər zamanı suallar ətraflı cavablandırılıb.