"Yuventus"da qoca Kyellini erası başa çatdı - Özü açıqladı
    • 12-05-2022, 11:01
    • 211

"Yuventus"da qoca Kyellini erası başa çatdı - Özü açıqladı

"Yuventus"un müdafiəçisi Corcio Kyellini tezliklə karyerasını bitirəcək.

News24.az xəbər verir ki, təcrübəli oyunçu "İnterlə" final oyunundan (2:4) sonra qərarını açıqlayıb.

“Son 10 il çox gözəl keçdi. İndi uşaqlar bu xətti davam etdirməlidirlər. "Yuventus" üçün əlimdən gələni etdim və düşünürəm ki, özümdən sonra nəsə qoyub gediram.

Bazar ertəsi sevimli stadionumla vidalaşacam. Sonra gücüm çatsa, sonuncu dəfə Florensiyada meydana çıxa bilərəm.

Bu, yüz faiz öz seçimimdir. Şadam ki, belə yüksək səviyyədə ayrılıram. Neçə illərdir deyirəm ki, əvvəlki səviyyədə oynaya bilməyəndə bitirmək istəmirəm.

Mən hər şeyimi verdim və tezliklə ən sadiq "Yuventus" fanatı olacam. Klubda uzun illər keçirdikdən sonra hisslərinizdən asanlıqla xilas ola bilməzsiniz”.

Qeyd edək ki, Corsio Kyellini "Yuventus"la 9 dəfə İtaliya çempionu, bir dəfə isə ikinci liqanın qalibi olub. O, həmçinin 5 dəfə İtaliya kuboku və Superkubokunu qazanıb. /Fanat.az/