Britaniya vətəndaşı Ginnesin Rekordlar kitabına düşdü

Uelsin Caernarfon şəhərindən olan britaniyalı 24 saat ərzində 56 pivəxana ziyarət edərək rekord qırıb.

Bu barədə Ginnesin Rekordlar kitabının rəsmi saytında məlumat verilib .

İT mütəxəssisi Gareth Mörfi 5 fevral 2022-ci ildə bir gündə pabları ziyarət etmək üzrə dünya rekordunu qırmaq üçün Kardiff barlarına gedib.

O, şəhərdəki 56 fərqli pivəxanaya baş çəkərək rekorda imza atmağı bacarıb. 24 saat ərzində 29 yaşlı kişi 10 litrdən çox müxtəlif içkilər içib.

Britaniyalı bildirib ki, yeni rekorda nail olmaq cəhdində ən xoşagəlməz hal şişkinlik olub.

“Ən pisi spirtdən qarnın şişməsi idi. Özümü saxlaya bilmirdim", Mörfi bildirib.

Bundan əvvəl məlum olub ki, amerikalı çili bibəri yemək sürətinə görə dünya rekordu qırıb . /Teleqraf.com/