ÜST meymunçiçəyinin adının dəyişəcəyini açıqladı

Ümumdünya Səhiyyə Təşkilatı (ÜST) irqçilik risklərini minimuma endirmək üçün meymun çiçəyi virusunun adını dəyişəcəyini açıqlayıb.

News24.az xarici KİV-ə istinadla xəbər verir ki, ÜST-nin Baş direktoru Tedros Adhanom Ghebreyesus, ÜST-nin meymun çiçəyi virusunun adının dəyişdirilməsi üçün dünyanın müxtəlif ölkələrindən olan tərəfdaşları və mütəxəssisləri ilə işlədiyini və təşkilatın ən qısa zamanda yeni adlarla bağlı açıqlamalar verəcəyini açıqlayıb.

Keçən həftə 30-dan çox beynəlxalq alim meymun çiçəyi adının "ayrı-seçkilik və stiqmatlaşdırıcı" olduğunu və təcili olaraq adının dəyişdirilməsinə ehtiyac olduğunu söylədikdən sonra ÜST ad dəyişikliyi ilə bağlı qərarını açıqladı.

Alimlər arasında olan bir sözçüsü, xəstəliklərin adlarının coğrafi bölgələrdən və heyvan adlarından qaçınması lazım olduğunu ifadə edərək, "Bu virusun davamlı olaraq Afrikalı olması və adlandırılması yanlış olmaqla yanaşı, ayrı-seçkilik və damğalamadır" dedi.