Lavrov jurnalistin sualını cavablamaqdan yayındı- VİDEO

Rusiyanın xarici işlər naziri Sergey Lavrov G20 ölkələrinin xarici işlər nazirlərinin görüşündə jurnalistin verdiyi sualı cavablamayıb.

News24.az xarici KİV-ə istinadən xəbər verir ki, Lavrova fotosessiya zamanı jurnalist ingiliscə “Niyə müharibəni başladınız?” sualını 3 dəfə verirb. Lakin Lavrov sualı cavablamaqdan yayınıb.

Qeyd edək ki, Lavrov İndoneziyanın Bali adasında keçirilən “G-20”liyin toplantısını yarımçıq tərk edib. Bunu Rusiya Xarici İşlər Nazirliyinin sözçüsü Mariya Zaxarova bu gün verdiyi müsahibəsində deyib. Bildirib ki, Lavrov rəsmi naharda iştirak etməyəcək, habelə günü ikinic yarısında “G-20”liyin iclasına qatılmayacaq.

Onu da bildirək ki, “G-20”liyə üzv dövlətlərin xarici işlər nazirləri rusiyalı həmkarları ilə birgə şam yeməyindən və ailə fotosu çəkdirməkdən imtina ediblər.


Vüsalə Babaşova