İlkin mərhələdə ibtidai sinif müəllimlərinin sertifikatlaşması aparılacaq

İlkin planımızda müəllimlərin işə qəbulu imtahanından yaxın 5 il ərzində keçən müəllimlərin sertifikatlaşmada iştirak etməməsi yer alır.

News24.az xəbər verir ki, bunu elm və təhsil naziri Emin Əmrullayev bu gün keçirilən brifinqdə deyib.

Onun sözlərinə görə, MİQ imtahanının məqsədi kimin işə götürülməsidir: "Lakin sertifikatlaşma imtahanının məqsədi isə müəllimlər arasında rəqabətliliyi artırmaqdır. Bu imtahan işləyən müəllimlərin əmək haqqları arasında fərq yaradacaq. İstənilən halda bu alqoritm növbəti 4 il ərzində tətbiq ediləcək. Ümumillikdə 35 min müəllimi əhatə edəcək və mərhələli şəkildə müəllimlər sertifikatlaşmadan keçəcək.

İlkin mərhələdə ibtidai sinif müəllimlərinin sertifikatlaşması aparılacaq".