Bakıda 13 yaşlı qız evdə uşaq dünyaya gətirdi

Bakıda cinsi təcavüzlə üzləşdiyi bildirilən azyaşlı qız ev şəraitində uşaq dünyaya gətirib.

News24.az xəbər verir ki, bu barədə Azərbaycan Uşaqlar Birliyinin sədri Kəmalə Ağazadə məlumat yayıb. O bildirib ki, dünən ev şəraitində 13 yaşlı qız uşaq dünyaya gətirib: “Xəstəxanaya yerləşdirilib. Doğulan uşaq sağdır, 13 yaşlı ana isə sığınacağımıza yerləşməyini xahiş edir”.

Daxili İşlər Nazirliyinin Mətbuat xidmətindən faktla bağlı araşdırma aparıldığı bildirilib.