İranda 4,3 bal gücündə zəlzələ olub

İranda 4,3 bal gücündə zəlzələ baş verib.

News24.az-in məlumatına görə, bu barədə İranın Tehran Universiteti Geofizika İnstitutu Seysmologiya Mərkəzindən bildiriblər.

Yeraltı təkanların episentri Kirman vilayətinin Ravər şəhərindən 55 km məsafədə yerləşib. Zəlzələnin ocağı 10 kilometr dərinlikdə olub.

Zəlzələ nəticəsində dağıntı və insan itkisi haqda məlumat verilməyib.