ABŞ Rusiyaya sanksiyalarla cavab verəcək

ABŞ "DXR", "LXR", Zaporojye və Xerson vilayətlərini öz ərazisinə qatdığına görə Rusiyaya qarşı yeni sanksiyalar tətbiq edəcək.

News24.az xəbər verir ki, bu barədə NBC telekanalının jurnalisti Piter Aleksandr Ağ Evə istinadən məlumat yayıb.

Onun sözlərinə görə, Bayden administrasiyasının Rusiyanın Ukraynanın şərqində bəzi əraziləri ilhaq etmək cəhdinə “yeni iqtisadi xərclərlə" cavab verəcəyi gözlənilir.

Qeyd edək ki, Rusiya Prezidenti Vladimir Putin sentyabrın 30-da Donetsk, Luqansk, Xerson və Zaporojye vilayətlərinin separatçı rəhbərləri ilə bu ərazilərin Rusiya Federasiyasının tərkibinə daxil olması haqqında sazişlər imzalayıb.