Ana 1 aylıq körpəsini 2300 manata satdı

İnquşetiyadan olan qadın yeni doğulmuş körpəsini yad birinə satıb.

News24.az xəbər verir ki, hadisə ötən ilin oktyabrında Nəzran şəhərində baş verib.

Həmin vaxt körpə bir aylıq olub. Ana körpəsi üçün 100 min rubl (2350 AZN) alıb. Hüquq-mühafizə orqanları hadisədən xəbər tutduqdan sonra, körpəni alan qadını saxlayıblar.

Qadın əməlini etiraf edib. Onun barəsində cinayət işi qaldırılıb.

Uşaq qohumlarının himayəsinə verilib. Alıcı qadın hazırda ev dustaqlığındadır. İstintaq davam edir. /Ren TV/

Teymur MƏMMƏDOV