Yapon professor: “Bu böyüklükdə zəlzələlə min ildə bir dəfə olar”

“Türkiyədə baş verən zəlzələ dünyanın ən böyük zəlzələlərindən biridir”.

News24.az xəbər verir ki, bu sözləri  TRT Haber-ə açıqlamasında yaponiyalı professor Toda Şinjin deyib.

Yaponiya Tohuku Universitetinin professoru bildirib ki, bu böyüklükdə zəlzələlər min ildə bir dəfə baş verə bilər: “Türkiyədə baş verən zəlzələdə ortaya çıxan enerji Kobe və Kumamoto zəlzələlərindən 15 dəfə böyükdür”. 

Qeyd edək ki, 1995-ci ildə Yaponiyanın Kobe şəhərində baş verən Böyük Hanşin zəlzələsi 7,2 bal gücündə idi. 2016-cı ildə Kumamoto zəlzələsi isə 7 bal gücündə olub.