"Samsung" smartfonlarını təkrar emal edilmiş plastikdən hazırlayacaq

"Samsung" şirkəti 2050-ci ilə qədər bütün smartfonlarının istehsalında təkrar emal olunmuş plastikdən istifadə etməyi planlaşdırır.

News24.az xəbər verir ki, şirkət həmçinin 2025-ci ilə qədər məhsullarının qablaşdırılması üçün plastik materialların istifadəsindən imtina etmək niyyətindədir.

Bildirilir ki, "Samsung" artıq flaqman "Galaxy" telefonlarının istehsalında təkrar emal olunmuş plastik elementlərdən istifadə edir.

Eyni zamanda fevralda təqdim edilən yeni modellərdə belə hissələrin sayı əvvəl buraxılan smartfonlarla müqayisədə iki dəfə çoxdur. /Yonhap/

Teymur MƏMMƏDOV