ABŞ İrana hücuma hazırlaşır – geri sayım başladı

ABŞ yaxın 96 saat ərzində İrana qarşı mümkün hərbi əməliyyat planlaşdırır.

News24.az xəbər verir ki, bu barədə “Azad İran” teleqram kanalı məlumat yayıb.

Yaxın Şərqdəki məlumatlı mənbəyə istinadən bildirilib ki, potensial hədəflər arasında İran daxilindəki hərbi və təhlükəsizlik obyektləri, o cümlədən İslam İnqilabı Keşikçiləri Korpusunun (SEPAH) qərargahı və ölkənin müxtəlif bölgələrindəki Bəsic qüvvələrinin bazaları ola bilər.

Məlumata görə, zərbələrin dəqiq idarə olunan qanadlı raketlərdən istifadə edilərək həyata keçirilməsi gözlənilir, lakin əməliyyatla bağlı yekun qərar hələ verilməyib və onun miqyası, intensivliyi və müddəti məlum deyil.

Bu açıqlama Donald Trampın İran etirazçılarını nümayişlərini davam etdirməyə çağırmasından bir neçə saat sonra verilib və "kömək yoldadır" deyə qeyd edib.

O, eləcə də qətllər dayandırılana qədər İran rəsmiləri ilə bütün görüşlərin ləğv olunduğunu elan edib.