Epşteynin vida məktubu tapıldı

Nyu-York həbsxanasında canına qəsd edən qalmaqallı maliyyəçi Ceffri Epşteynin kamera yoldaşı Nikolay Tartalyon onun ehtimal olunan vida məktubunun məzmunu barədə danışıb.

News24.az xəbər verir ki, o, 2019-cu ilin iyulunda Epşteyn huşsuz vəziyyətdə tapıldıqdan sonra məktubu aşkar edib.

Bundan sonra Epşteyn həbsxananın başqa hissəsinə köçürülüb və intihar riski səbəbindən nəzarət altına alınıb.

Tartalyon qeyd edib ki, məktub kitabın içində gizlədilib.

“Kitabı oxumaq üçün açdım və məktub orada idi”, - deyə o bildirib.

Onun sözlərinə görə, bu, qeyd kitabçasından qoparılmış sarı vərəq olub.

Tartalyonun iddiasına görə, məktubda Epşteyn istintaqçıların aylarla apardıqları araşdırmalarda heç nə tapmadığını yazıb.

“Məndən nə istəyirsiniz, ağlayım? Vidalaşmağın vaxtıdır”, – deyə o, məktubun məzmunundan sitat gətirib.

Hesab olunur ki, Ceffri Epşteyn yetkinlik yaşına çatmayanların cinsi istismarı ilə məşğul olan cinayət şəbəkəsi qurub.

2026-cı ilin yanvarında ABŞ Ədliyyə Nazirliyi bu işlə bağlı yeni məxfilikdən çıxarılmış sənədləri yayımlayıb. /The New York/