Hərəkətə keçsələr, İran qan içində boğulacaq

İndi SEPAH İran hadisələrinin əsas oyunçusuna çevrilir. Onun İranı qana boyamaq üçün kifayət qədər gücü və motivasiyası var.

News24.az xəbər verir ki, bunu rusiyalı politoloq Qriqori Qolosov deyib.

"Təxminən cümə gününə qədər SEPAH-ın hadisələrdə iştirakı məhdud idi. Hakimiyyət ilk növbədə polisə və yarımhərbi qüvvələrə arxalanırdı, lakin onlar uğursuzluğa düçar olurlar. Xameneinin SEPAH-ın genişmiqyaslı yerləşdirilməsini gecikdirməsinin səbəbləri aydındır: Amerikanın zərbəsi qorxusu və etirazların yatırılmasından sonra SEPAH-ın təsirinin kəskin artması perspektivi. İran indiki vəziyyətdən daha dəhşətli bir rejimlə çıxa bilər. İnqilab Keşikçiləri Korpusu liderlərinin geri çəkilməyə stimulu yoxdur: İslam Respublikasının süqutundan sonra ən acınacaqlı aqibət məhz onları gözləyir.

SEPAH-ı daxildən məğlub etmək mümkün deyil. Bununla belə, Trampın İrana vəd etdiyi zərbələr SEPAH-a ciddi ziyan vura bilər. Yeganə sual Trampın sonda nə etmək qərarına gələcəyidir", - o bildirib. (Axar.az)