İPhone batareyasının ömrünü artıracaq

Texniki nəhəng Apple, iPhone və digər dəstəklənən cihazların ən böyük problemlərindən biri olan batareyanın ömrünü yaxşılaşdırmaq üçün süni intellektlə işləyən yeni funksiya üzərində işləyir.

News24.az xəbər verir ki, Apple-ın iOS 19 ilə təklif edəcəyi bu yeni funksiya fərdi istifadəçilərin davranışına uyğun olaraq enerji istehlakını optimallaşdıracaq və cihazlardan toplanmış batareya məlumatlarını təhlil edərək tendensiyaları başa düşəcək.

Süni intellektlə işləyən batareya idarəetmə aləti ilə yanaşı, iOS 19-un telefonun tam doldurulması üçün nə qədər vaxt lazım olduğunu göstərəcək kilid ekranı göstəricisi də gətirəcəyi gözlənilir.

Bildirilir ki, bu funksiya xüsusilə daha kiçik batareyaya malik olduğu deyilən ən incə iPhone modeli olan iPhone 17 Air üçün hazırlanıb, lakin iOS 19 dəstəyi ilə bütün iPhone-larda istifadə oluna bilər.

Səma