"İran hücum edərsə, lazımi cavab verəcəyik"

İsrailin müdafiə naziri Yoav Gallant verdiyi açıqlamada İsrailin İranın istənilən hücumuna birbaşa cavab verəcəyini bildirib.

News24.az xəbər verir ki, Gallant ABŞ-ın müdafiə naziri Lloyd Ostinə "İranın birbaşa hücumu İsrailin İrana qarşı müvafiq cavabını tələb edəcək" deyib.

Pentaqon bildirib ki, nazirlər ABŞ-ın İranın təhdidlərinə qarşı İsraili dəstəkləmək üzrə “sarsılmaz” öhdəliyini müzakirə ediblər.

Açıqlamaya görə, nazir Ostin ABŞ prezidenti Co Baydenin İsrailin baş naziri Netanyahuya verdiyi açıq mesajı təkrarlayaraq, bu zəmanəti verib: 

"İsrail ABŞ-ın tam dəstəyinə arxalana bilər".

Günel Məlikzadə