Pakistanda İmran Xanın həbsinə etirazlar başladı

Keçmiş baş nazir İmran Xanın həbsindən sonra bütün ölkəyə etiraz dalğası yayılıb.

News24.az xəbər verir ki, Kəraçi şəhərində təhlükəsizlik qüvvələri ilə İmran Xan tərəfdarları arasında baş verən qarşıdurmada çoxlu maşın yandırılıb. Faisalabaddakı nümayişlərdə 13 nəfər yaralanıb.

Pakistan polisi etirazların qarşısını almaq üçün yollara maneələr yaradıb, bəzi məntəqələri piyada və avtomobil keçidlərinə bağlayıb. İslamabad Polis İdarəsindən verilən açıqlamada, etirazlar zamanı 5 polisin yaralandığı, 43 nümayişçinin həbs edildiyi bildirilib.

Qumral Əliyeva