Polşa Almaniyadan İkinci Dünya müharibəsinə görə təzminat tələb edir

Polşa prezidenti Karol Navrotski Almaniyanı İkinci Dünya müharibəsinə görə ölkəsinə reparasiya (təzminat) ödəməyə yenidən çağırıb.

News24.az xəbər verir ki, bu barədə "Bloomberg" yazıb.

Qdansk şəhərində müharibənin başlanmasının ildönümünə həsr olunmuş tədbirdə çıxış edən Navrotski Polşanın baş naziri Donald Tusku Almaniya hökumətinə bu ödənişlərin zəruriliyini əsaslandırmağa çağırıb.

O bildirib ki, bu, təkcə keçmiş və tarixi ədalət naminə deyil, həm də gələcək üçün vacibdir.

“Polşaya münasibətdə həqiqətən qəti və həmrəy mövqe tələb edir ki, Berlindəki müttəfiqlərimiz və qonşularımız bizə kompensasiya ödəsinlər”, – deyə Navrotski bildirib.

Onun sözlərinə görə, reparasiya ödəniləcəyi təqdirdə həmin vəsait Polşa silahlı qüvvələrinə və müdafiə sənayesinə yönəldiləcək. Bu, Varşavanın Qərb kreditləri götürməməsi və ölkənin özünə “çatacaq olanı” əldə etməsi üçün nəzərdə tutulur.

Bununla yanaşı, Almaniya hakimiyyəti dəfələrlə İkinci Dünya müharibəsinə görə reparasiya məsələsini bağlanmış hesab etdiyini bildirib.

Qeyd edək ki, Navrotski mart ayında silah almaq məqsədilə Almaniyadan reparasiya tələb etmişdi. O, 2025-ci ilin sentyabrında da Berlin tərəfindən təzminat ödənilməsinin həqiqətə və yaxşı münasibətlərə əsaslanan tərəfdaşlığın qurulması üçün vacib olduğunu söyləmişdi.

Həmçinin, "Financial Times" qəzetinin fevral ayında yaydığı məlumata görə, Polşa sovet keçmişinə görə Rusiyaya qarşı reparasiya tələbi ilə məhkəmə iddiası hazırlayır.