Qar xəbərdarlığı: - Fövqəladə vəziyyət elan edildi

ABŞ sərt qış şəraitinin təsiri altındadır.

News24.az xəbər verir ki, həftə sonu Missuri və Kanzas ştatlarından başlayaraq bu gün Merilend, Delaver, Vaşinqton D.C. Bölgə daxil olmaqla 13 ştatı təsir edən şiddətli soyuq və qar həyatı mənfi təsir edir.

Kanzas və Missorui ştatlarında qar fırtınası nəticəsində baş verən qəzalar nəticəsində ən azı 9 nəfərin öldüyü, 31 nəfərin yaralandığı bildirilib.

Qərbi Virciniya və Nyu Cersi həftə sonu fövqəladə vəziyyət elan edən Kentukki, Virciniya, Kanzas, Arkanzas və Missuri ştatlarına qoşulub.

Qeyd edək ki, ölkənin paytaxtı Vaşinqtonun bəzi bölgələrində qarın qalınlığı 40 santimetrə yaxınlaşarkən, güclü qar yağması səbəbindən dövlət məktəbləri və federal idarələr bağlanıb.

Vaşinqton şəhərinin meri Muriel Bouzer bildirib ki, əsas prioritet şəhəri qardan təmizləmək və mümkün qədər tez yenidən açmaqdır.

Bouzer vətəndaşları zərurət olmadıqca evdən çıxmamağa çağırıb.

Eyni zamanda, ölkədə uçuşları izləyən FlightAware saytının məlumatına görə, bu səhər yağan güclü qar və buzlanma səbəbindən 1400 reys təxirə salınıb, ən azı 750 reys təxirə salınıb.

Günel Məlikzadə