Ukrayna nazirliklərin sayı azaldır

Ukraynada hökumət islahatları çərçivəsində nazirliklərin sayı azaldıla bilər.

News24.az xəbər verir ki, bu barədə Ukraynanın Baş naziri Denis Şmıqal danışıb.

O bildirib ki, hökumətin formatının dəyişdirilməsi istiqamətində iş aparılır:

"Buraya əsas olaraq nazirliklərin sayının azaldılması daxildir. Dövlət qulluqçularının da sayını azaltmaq istəyirik. Nazirliklər dövlət siyasətini formalaşdıracaq az sayda çox yaxşı mütəxəssislərə sahib olmalıdırlar".