“Ulduz müharibələri”nin aktyoru vəfat etdi

Britaniyalı aktyor Nik Cozef vəfat edib.

News24.az xəbər verir ki, aktyor 73 yaşında dünyasını dəyişib. Onun hansı səbəbdən öldüyü açıqlanmayıb.

Qeyd edək ki, Nik əsasən ikinci dərəcəli rollarda çəkilib. O, tamaşaçılara 1977-ci ildə ekranlaşdırılan “Ulduz müharibələri: Epizod IV - Yeni ümid” filmində mayor "Arhul Hekstrofon" obrazı ilə tanış olub. O, həmçinin “Məni sevən casus”, “Doktor Kim”, “Bleykin 7-liyi” və digər ekran işlərində rol alıb. Onun son işi 2019-cu ildə “EastEnders” serialında canlandırdığı südçü Bert obrazı olub.

Aktyorun dostu Rik Stenlinin sözlərinə görə, Nik 2027-ci ildə “Ulduz müharibələri”nin ilk filminin 50 illiyi münasibətilə keçiriləcək tədbirdə iştirak etməyi çox istəyib. (axsam.az)