Ağstafada mikroavtobus qəzaya düşdü - Xəsarət alanlar var - YENİLƏNDİ

Ağstafada mikroavtobusla minik avtomobili toqquşub.

News24.az xəbər verir ki, hadisə Bakı-Qazax magistral yolunun rayon ərazisindən keçən hissəsində baş verib.

Belə ki, hərəkətdə olan "Mercedes Vito" markalı mikroavtobusla "VAZ-2106" markalı minik maşını toqquşub. Qəza zamanı bir neçə nəfər xəsarət alıb. Yaralılar xəstəxanaya yerləşdirilib.

Hadisə yerinə polis əməkdaşları cəlb edilib.

Fakt araşdırılır.

Qeyd edək ki, "Mercedes Vito"nun sürücüsü Ağstafa-Bakı marşrutu üzrə sərnişin daşıma fəaliyyəti ilə məşğul olurmuş. (Qafqazinfo)

13:20

Martın 24-ü saat 12:15 radələrində baş verən yol-nəqliyyat hadisəsi səbəbi ilə xəsarət alan 2 nəfər (1 kişi, 1 qadın) Ağstafa Rayon Mərkəzi Xəstəxanasına hospitalizasiya olunub.

Bu barədə News24.az -ın sorğusuna cavab olaraq Ağstafa və Qazax Rayon Mərkəzi Xəstəxanasından məlumat verilib.

Alının sağ yarısının sıyrılmış yarası diaqnozu təyin olunan 1978-ci il təvəllüdlü şəxsin (qadın) vəziyyəti qənaətbəxş qiymətləndirildiyi üçün ambulator müalicə üçün evə buraxılıb.

1972-ci il təvəllüdlü şəxsə isə (kişi) qapalı kəllə-beyin travması, sol körpücük sümüyünün çiyin oynağından çıxığı diaqnozları təyin edilib. Şəxsə ilkin tibbi yardım göstərilib, vəziyyəti orta-ağır qiymətləndirilən şəxs öz istəyi ilə saat 12:50 radələrində Qazax Rayon Mərkəzi Xəstəxanasına aparılıb.

Müalicəsi Qazax Rayon Mərkəzi Xəstəxanasının Təcili tibbi yardım şöbəsində davam etdirilir. Vəziyyəti orta-ağır qiymətləndirilir.