Qobustanda dəm qazından zəhərlənənlərlə bağlı AÇIQLAMA - Yeniləndi

Qobustanda 4 nəfər dəm qazından zəhərlənib.

News24.az xəbər verir ki, 30 yaşlı Xədicə Mədətova, 11 yaşlı F.Mədətova, 10 yaşlı M.Mədətov və 4 yaşlı A.Mədətov Qobustan rayonunda yaşadıqları ünvanda dəm qazından zəhərlənmə ilə xəstəxanaya yerləşdiriliblər.

Onların vəziyyətinin qənaətbəxş olduğu bildirilib.

11:15

Aprelin 20-si saat 08:50 radələrində zəhərlənmə şübhəsilə 4 nəfər (2 kişi, 2 qadın) Qobustan Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Bu barədə News24.az-ın sorğusuna cavab olaraq TƏBİB-dən məlumat verilib.

Onlara dəm qazının toksiki təsiri diaqnozu təyin olunub və zəruri tibbi yardım göstərilib.

Vəziyyətləri qənaətbəxş qiymətləndirilən şəxslər ambulator müalicə üçün evə buraxılıb.