Bakıda yük avtomobilinin vurduğu piyada hadisə yerində öldü

Bakı şəhəri, Xətai rayonu, 8 Noyabr prospektində ölümlə nəticələnən ağır yol-nəqliyyat hadisəsi baş verib.

News24.az xəbər verir ki, “Isuzu” markalı yük avtomobili piyada keçidindən keçməyə çalışan şəxsi vurub. Piyada hadisə yerində ölüb.

Qeyd edək ki, yük avtomobili “Bravo” marketlər şəbəkəsinə məxsusdur. Hadisə yerinə dərhal polis əməkdaşları cəlb olunub.

Faktla bağlı araşdırma aparılır.