Faiq Mirzəyev faciəvi şəkildə Rusiyada Öldü

Bir neçə gün öncə Rusiyanın Nijni Novqorod şəhərində tikintidə çalışan azərbaycanlı fəhlənin 17-ci mərtəbədən yıxılıb ölməsi ilə bağlı xəbər vermişdik.

Həmin şəxsin kimliyi məlum olub.

News24.az xəbər verir ki, Bizim.Media-ya daxil olan məlumata görə, ölən şəxs Zaqatala rayonu Yeni Suvagil kənd sakini, 49 yaşlı Faiq Mirzəyev olub.

Eyni şəhərdə Zaqataladan olan daha bir şəxs - Dağlı kənd sakini 23 yaşlı Məhəmməd Rövşən oğlu Məmmədov da fəhlə işlədiyi binanın 25-ci mərtəbəsindən yıxılaraq ölüb.

Xatırladaq ki, həmin xəbərdə hadisənin Kanavin rayonunun Çonqarskaya küçəsində tikintisi aparılan "Jurovada" yaşayış kompleksidə baş verdiyi və inşaat rəhbərinin insidenti gizlətdiyi qeyd edilmişdi.