Quba–Xınalıq yolunda sürüşmə: Qaya və torpaq yola töküldü - Foto

Quba–Xınalıq yolunda yağışla bağlı torpaq və qaya parçaları yola tökülüb.

News24.az xəbər verir ki, hadisə Quba–Xınalıq avtomobil yolunun 29-cu kilometrliyində qeydə alınıb. Yolda nəqliyyatın hərəkətində çətinliklər yaradıb.

İlkin məlumata əsasən, buna son günlər müşahidə olunan yağıntılı hava şəraiti səbəb olub.

Əraziyə aidiyyəti qurumların əməkdaşları cəlb olunub. Hazırda yolun təmizlənməsi və nəqliyyatın hərəkətinin bərpası istiqamətində işlər aparılır. (APA)