Əməkdar artist: "Anam 1 il işləyib pul yığdı ki, mənə dəf alsın"

Əməkdar artist Nigar Şabanova "Xəzər axşamı" verilişinə üz tutan gənc istedad İbrahim Lətifova qarmon hədiyyə edib.

O, qarmonda "Həsrətindən" mahnısını ifa edən, lakin qarmonu olmadığı üçün istedadını inkişaf etdirə bilməyən İbrahimi görəndə öz uşaqlığını xatırladığını qeyd edərək, kövrəlib: "Mən İbrahim yaşda olanda dəf almağa imkanım yox idi. Anam düz 1 il işləyib pul yığdı ki, mənə dəf alsın. İbrahimi də sizin efirdə anam gördü və mənə zəng edib dedi ki, bu uşağa qarmon ala bilərsən? Mən buna görə sizə müraciət etdim.
Ümumiyyətlə, bundan sonra İbrahimə hər bir işində dəstək olmağa hazıram".

Daha sonra Nigar Şabanova canlı ifa edib, İbrahim isə onu qarmonda müşayiət edib.