Arda Turanın komandasına qarşı 90 dəqiqə oynayan azərbaycanlı - VİDEO

Türkiyə Kubokunda qrup mərhələsinin ilk turunun oyunları davam edir.

News24.az Sportinfo.az-a istinadla xəbər verir ki, bu gün C qrupunda "Eyüpspor" öz meydanında I Liqa təmsilçisi "Boluspor"u qəbul edib.

Qarşılaşma Arda Turanın rəhbərlik etdiyi kollektivin 1:0 hesablı qələbəsi ilə başa çatıb.

"Eyüpspor"un qələbə qolunu matçın 70-ci dəqiqəsində Ahmed Kutucu vurub.

"Boluspor"da çıxış edən Azərbaycanlı futbolçu Vüsal İsgəndərli də bu görüşün iştirakçısı olub. 29 yaşlı hücumçu oyuna start heyətində başlayıb və 90 dəqiqə meydanda olub.