-
- 16-03-2023, 18:33
- 267
Boksçumuz dünya çempionatına qələbə ilə başladı
Azərbaycan boksçusu Zeynəb Rəhimova Hindistanın paytaxtı Yeni Dehlidə keçirilən dünya çempionatında ilk döyüşünə çıxıb.
Federasiyadan News24.az saytına verilən məlumata görə, 54 kq çəkidə çıxış edən milli üzvü 1/32 final çərçivəsində Lethokule Sibisi (CAR) ilə üz-üzə gəlib.
Hər 3 raundu aktivinə yazan Rəhimova yekunda 5:0 (30:25, 30:26, 30:26, 30:27, 30:27) hesabı ilə qalib gəlib. O, 1/16 finalda ilk mərhələdən azad olan Kristin Gillespi (Yeni Zelandiya) ilə döyüşəcək. Görüş martın 18-nə təsadüf edəcək.
Anaxanım İsmayılova (50 kq) isə ev sahibi Zarin Nixadla qarşılaşıb və rəqib mərhələ adlayıb.
Qeyd edək ki, 2,4 milyon ABŞ dolları mükafat fondu olan mundialın final döyüşləri martın 25-də və 26-da keçiriləcək. 65 ölkədən 300-dən artıq boksçunun qatıldığı yarışın qalibi 100, finalçısı 50, bürünc medalçısı 25 min dollar qazanacaq.
Oxşar xəbərlər
-
21-02-2023, 17:55Boksçumuz beynəlxalq turnirə QƏLƏBƏ İLƏ BAŞLADI
-
11-02-2023, 12:242 boksçumuz Qızıl kəmər seriyasının qalibi oldu
-
30-09-2022, 20:57Boksçumuz erməni rəqibinə qalib gəldi
-
24-02-2023, 16:22Bokçumuz erməni rəqibinə qalib gəldi
