Pekində xəstəxanada baş verən yanğında ölənlərin sayı artdı

Çinin paytaxtı Pekində yerləşən özəl xəstəxananın stasionar bölməsində baş verən yanğında həyatını itirənlərin sayı artıb.

News24.az xəbər verir ki, ötən gün günorta saatlarında Fingya əyalətindəki xəstəxanada meydana gələn yanğında daha 8 nəfərin öldüyü bildirilib.

İlk təsbitlərə görə 21 nəfərin həyatını itirdiyi yanğında ölənlərin sayı 29-a yüksəlib.

Yanğının baş verdiyi xəstəxana binasının şərq hissəsi bağlanıb, ambulator xidmətlər dayandırılıb.

Bundan başqa, xəstəxananın bağlı olduğu şirkətin səhm əməliyyatları dayandırılıb. /Beijing Daily/