Aİ XİN başçılarının ABŞ-da keçirilən danışıqlarını alqışlayır

Avropa İttifaqı Azərbaycan və Ermənistan XİN başçılarının ABŞ-da keçirilən danışıqlarını alqışlayır.

News24.az xəbər verir ki, bu barədə Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Toivo Klaar tviter hesabında bildirib.

“Vaşinqtondan ümidverici xəbər var. Avropa İttifaqı 4 günlük danışıqlarda Ermənistan və Azərbaycan xarici işlər nazirlərinin davamlı əlaqəsini alqışlayır. Tərəqqi yalnız dialoq yolu ilə əldə edilə bilər. Biz Ermənistan və Azərbaycan ilə birlikdə olmağa və davamlı sülh axtarışında tərəfdaşlarımızla işləməyə davam edirik”, – deyə o qeyd edib.