Aysun kövrəldi: “Nə oldusa, mənə...”

“Özümü tanıyandan şou-biznesin içindəyəm. Müğənni deyildim, hər paylaşımım trend olurdu. Deyirdilər ki, sən yeganə şou bzines nümayəndəsisən ki, nə paylaşsaq, partlayır. Belə reklamlara ehtiyacım yoxdur”.

News24.az “Sherg.az”-a istinadən xəbər verir ki, bu sözləri sosial şəbəkədə açdığı canlı yayımda müğənni Aysun İsmayılova Eşqin Cəlilovdan boşanması haqda deyib.

O, ailə həyatı ilə bağlı geniş açıqlama verməyəcəyini bildirib:

“Ailə ilə gündəmə gələcək insan deyiləm, görürsüz ki, susuram, açıqlama vermirəm, danışmıram. Heç kim həyatından sığortalanmayıb. Bizdə də alınmadı. Qismət. Ona da özümə də uğurlar arzu edirəm. Heç vaxt şəxsi həyatım barədə danışmayacam, deməyəcəm ki, niyə ayrıldım, niyə belə oldu. Nə oldusa, mənə oldu. Bunu özüm bilirəm”.