Çəkilişində operatorun öldüyü film hazır oldu

Alek Bolduin “Rust” filminin çəkilişlərinin başa çatdığını bildirib.

News24.az APA-ya istinadən xəbər verir ki, bu barədə Alek Bolduin özünün sosial media hesabında paylaşım edib.

O, filmdə rol alan personajlardan ikisinin şəklini paylaşaraq filmin çəkilişlərinin bitməsinə işarə edib.

Xatırladaq ki, 2021-ci ilin oktyabrında “Rust” filminin çəkilişləri zamanı Alek Bolduin yanlışlıqla güllələrlə doldurulmuş tapançadan atəş açaraq filmin operatoru Qalina Hatçinsi yaralamış, nəticədə, xəstəxanada dünyasını dəyişib.

Daha sonra mərhumun yaxınları aktyoru qəsdən adam öldürməkdə ittiham edərək məhkəməyə müraciət ediblər. Bir il sonra Hatçins ailəsi və Hollivud ulduzu barışıq anlaşması əldə edə biliblər.