Lisenziyası ləğv edilən “Günay Bank”-ın müəmmalı keçmişi - 153 milyon manatı...

“Günay Bank”-ın Azərbaycan Bank bazarına yenidən daxil olması müəmmalarla, suallarla dolu idi. Hətta 2018-də sədr müavini 100 mln. manat, 2021-də isə filial rəhbərlərindən biri 53 mln. manat mənimsəmə iddiası ilə saxlanılmışdı. 

News24.az xəbər verir ki, bunu iqtisadçı-ekspert Natiq Cəfərli qeyd edib.

“Ümumiyyətlə, 90-ların biznes və siyasi elitası ciddi problemdir, amma indi “Günay Bank” ləğv edildisə, bunun bütün Bank sektoruna təsirlərini azaltmaq üçün təcili tədbirlər görülməlidir. Bankda depoziti olan bütün vətəndaşların əmanəti tez və süründürməçilik olmadan, maksimum 1 ay ərzində qaytarılmalıdır. Əgər vətəndaşların depozitləri ilə bağlı problemlər yaşanarsa, bu, bütün bank sektoruna baş ağrısı gətirəcək. Çünki ölkədə müasir bank sistemi yoxdur. 21-ci əsrin bankları başqa cür işləyirlər, onlar artıq çoxdan investisiya mərkəzlərinə çevriliblər, bizdə investisiya bankçılığı yoxdur”.