İntim videonuz bir-bir dostlarınıza göndərilir - Şok XƏBƏRDARLIQ

Son günlər Azərbaycanda kiber şantajın bir növü olan “Sextortion” halları yenidən artıb. Bu, insanların ailələrin dağılmasına, intihar etməsinə səbəb olan təhlükəli hücum növlərindən biridir.

News24.az xəbər verir ki, bu sözləri tanınmış İT mütəxəssisi, texnobloqer Fərid Pərdəşünas qeyd edib.

O bildirib ki, hücum zamanı türk dilində danışan xanımlar onlayn danışıqlar təşkil edərək, qarşı tərəfin intim hərəkətlər etməsini tələb edirlər.
“Bu hərəkətlər isə video görüntü formasında qeydə alınır, daha sonra şantaja başlanılır. Xüsusilə mövzudan xəbərsiz olan və texnologiya ilə zəif davranış göstərən və təbii ki, hisslərinə məğlub olan şəxslər bu hücumun qurbanı olurlar. Lazım olan məbləğlər hər ay ödənilmədikdə, çəkilən videonuz bir-bir dostlarınıza göndərilir”, - F.Pərdəşünas əlavə edib.