Vardanyan Paşinyanı hədələdi – “Sülh müqaviləsini imzalasa...”

“Vardanyanın Paşinyana barmaq silkələməsi Ermənistanın baş naziri üçün təhlükəli deyil”.

News24.az xəbər verir ki, bunu politoloq Elxan Şahinoğlu deyib.

“Qarabağ separatçılarının başında dayanan Araik Arutyunyan susarkən, Ermənistan Baş naziri Nikol Paşinyanı Ruben Vardanyan hədələyib.

Paşinyan Qarabağı Azərbaycan ərazisi kimi tanıyan sülh sazişinə imza atarsa, Vardanyan nə edə bilər? Heç nə. Kreml zamanında Vardanyanı Qarabağa ona görə göndərmişdi ki, bir müddət sonra Arutyunyanın yerinə keçsin. Kremlin sonrakı planı Vardanyanı Ermənistana transfer etmək və onu hakimiyyətdən uzaqlaşdırılacaq Paşinyanın kreslosunda oturtmaq idi. Kremlin heç bir planı baş tutmadı. Çünki Ruben Vardanyanın ermənilər içərisində nüfuzu aşağı olduğundan ona dəstək azdır. Bu, Kremlin Vardanyandan əlini üzməsiylə nəticələndi.

Vardanyanın Qarabağda yaratdığı “hərəkat”ın da elə bir gücü yoxdur. Odur ki, Vardanyanın Paşinyana barmaq silkələməsi Ermənistanın baş naziri üçün təhlükəli deyil”, - ekspert bildirib.