Həkimlərdən saqqızla bağlı xəbərdarlıq

Saqqız, təzə çəkilmiş şirələr və qazlı sular dişlərdə kariesdən daha təhlükəli xəstəlik yarada bilər.

Rusiyanın İ. M. Seçenov adına Birinci Moskva Dövlət Tibb Universitetinin mütəxəssisləri bildiriblər ki, son zamanlar insanlar daha çox dişlərin eroziyasından əziyyət çəkirlər. Bu hallarda, qida turşularının təsiri altında qoruyucu mina qatı dağılır.
Buna turş suların, saqqızların və konfetlərin nəzarətsiz istifadəsi səbəb olur. Qazlı suların, təzə çəkilmiş şirələrin, turş meyvələrin və qırmızı şərabın təsiri altında mineral komponentlər dişin mina qatını aşındırır.

Əgər siz bu içkiləri öz rasionunuzdan çıxara bilmirsinizsə, narahat olmayın. Vəziyyətdən çıxış yolu var: bütün içkilər dişləri eroziyadan qorumaq üçün nəzərdə tutulan vasitələr - plastmas çöplər, qıflı fincanlarla qəbul edilməlidir.

//E-tibbAz