Qətldə təqsirləndirilən Şərur sakini barədə həbs qətimkan tədbiri seçildi

Qətldə təqsirləndirilən Şərur sakini hakim qarşısına çıxarılıb.

Mayın 31-i Naxçıvan Muxtar Respublikasının Şərur rayon sakini 1992-ci il təvəllüdlü Şıxəliyev Xəlil Həsən oğlunun qətlində təqsirli bilinən 1985-ci il təvəllüdlü Nəcəfov Gündüz Nəcəf oğlu barəsində iyunun 2-də Şərur Rayon Məhkəməsinin qərarına əsasən 4 aylıq həbs qətimkan tədbiri seçilib.

Qeyd edək ki, Şərur rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb və Gündüz Nəcəfov prokurorun qərarı əsasında şübhəli şəxs qismində tutularaq istintaqa cəlb edilmişdi. /APA/