Ermənilər Naxçıvanla sərhəddə zavod tikintisini dayandırdı - FOTO

Atışmalardan sonra Arazdəyəndə (Yerasx) metallurgiya zavodunun tikintisi dayandırılıb.

News24.az erməni Teleqram kanallarına istinadən xəbər verir ki, bunu Ararat vilayətinin qubernatoru Sedrak Tevonyan bildirib.
O, ümumilikdə tikinti işlərinə 30-40 işçinin cəlb olunduğunu deyib.

Tevonyan deyib ki, Arazdəyən (Yerasx) rayonu demək olar ki, hər gün atəşə tutulur:
"Lakin kəndin özü adətən atəşə tutulmur".

Qeyd edək ki, Azərbaycan tərəfi son günlər ermənilərin Naxçıvan istiqamətində atəşkəsi intensiv şəkildə pozduğu barədə məlumat yayıb./bakupost/