Uqandada məktəbə hücum: ölənlərin sayı 41 nəfərə çatıb

Uqandada üsyançılarının məktəbə hücumu nəticəsində ölənlərin sayı 41 nəfərə çatıb.

​News24.az​​​-ın xəbərinə görə, bu barədə DW şəhərin meri Selvest Mapozeyə istinadən məlumat yayıb.

Daha əvvəl hücum zamanı 37 nəfərin həlak olduğu bildirilib.

Məlumata görə, səlahiyyətlilər artıq ölkənin qərbində, Konqo Demokratik Respublikası ilə sərhəd yaxınlığında Mpondvedə orta məktəbdə Müttəfiq Demokratik Qüvvələrin (ADF) - Uqandanın Azadlığı Milli Ordusunun üsyançılarının hücumundan sonra yandırılmış, güllələnmiş 38 tələbə də daxil olmaqla 41 nəfərin meyitini aşkarlayıblar.

Həlak olanlar arasında bir mühafizəçi və iki yerli icma üzvü də var. Üsyançılar yataqxananı yandırdıqdan sonra bəzi tələbələr yanıq xəsarətlərindən ölüb.

Hücum nəticəsində daha 8 nəfər yaralanıb. Onlar xəstəxanadadırlar.